आपण पहाड़ में आजकल पंचायत चुनावों में सबे लोग अलग अलग रंग देखूं उनो, हमोर बागेश्वर जिल बे आज एक दिलचस्प नजारा देखु उनो य क्षेत्र पंचायत सदस्य (बीडीसी मेंबर) क उम्मीदवार लक्ष्मण कुमार खच्चर में बैठ बे आपण प्रचार अलग अंदाज में करणीं, और गों गों जाबे वोट माग्निन,
लछु दा आपण कुमाऊँ मशहूर कॉमेडी कलाकार ले छन, उनुल कई कुमाउंनी म्यूजिक वीडियो में ले काम कर रौ, दगाड में सैकड़ों बार मंच पर परफॉरमेंस दे रो, लक्ष्मण क पहाड़ी लच्छू दा के नाम से यू ट्यूब चैनल ले छू, लेकिन एक और खास बात छू लच्छू दा ग उनोर हुनर सबो हबे अलग बने दिउ, किलेकि उनोर लंबाई कम छू, दिव्यांग लच्छू दा लंबाई लगभग साढ़े तीन फूट छू,कम लंबाई वाल शायद इकलौते उम्मीदवार छन जो पंचायत चुनावों में दावेदारी करण लाग रींन,
य आपण बागेश्वर जिला गरुड़ विकासखंड क रुणि वाल लच्छू दा गड़खेत सीट से क्षेत्र पंचायत सदस्य के लिए प्रत्याशी छन,उनोर क्षेत्र आज लै मूलभूत सुविधाओं में पिछडी मानी जां शायद य वजह ल लच्छू दा खच्चर में सवार हबे जानींन
आपण निर्वाचन क्षेत्र दिन रात घूमनिन, और मतदाताओं हं आपण पक्ष में मतदान करुण क अपील करण लाग रींन और आपण अन्दाज में लच्छू दा गों जनता हं कुनीन मि खच्चर में बैठ बे उनींन किलेकि हमोर यां सड़कें नि छू, लेकिन अगर तुम मिगे जिता दिला तो मि सड़क जरूर बनुल और कार में बैठ बे आप लोगोंक बीच उल, लच्छू दा क खिलाफ द्वी अन्य दावेदार मैदान छन…..
गढ़वाली कुमाउनी वार्ता
समूह संपादक